ការពិតស្ត្រីក៏ចេះកើតចិត្តច្រណែនទៅលើស្ត្រីដែលមានភាពសិចស៊ីជាងខ្លួនដែរ តែមិនថ្វីនោះទេ ប្រសិនបើអ្នកចង់ឱ្យភាពសិចស៊ីរបស់ខ្លួន មានលក្ខណៈគួរឱ្យទាក...
ការពិតស្ត្រីក៏ចេះកើតចិត្តច្រណែនទៅលើស្ត្រីដែលមានភាពសិចស៊ីជាងខ្លួនដែរ តែមិនថ្វីនោះទេ ប្រសិនបើអ្នកចង់ឱ្យភាពសិចស៊ីរបស់ខ្លួន មានលក្ខណៈគួរឱ្យទាក់ទាញនោះ សូមអានដំបូន្មានខាងក្រោមនេះ ៖
១- បោះជំហានដើរឱ្យវែងៗជាងមុន
អ្នកមិនចាំបាច់បោះជំហានលឿនពេក ដូចកំពុងដេញអ្វីមួយ ឬលបៗដូចបងម្រុងសង្គ្រុបចាប់អ្វីមួយនោះដែរ គ្រាន់តែដកខ្លួនឱ្យត្រង់ កែវភ្នែកសម្លឹងទៅមុខ ឈានឱ្យវែងៗដូចជា ស៊ុភើស្តារដើរនៅលើឆាកកម្រាលព្រំក្រហមទុកជាការស្រេច។
២- ចេះប្រើកែវភ្នែកលេងសើចខ្លះ
ព្រោះបុរសៗចូលចិត្តស្ត្រីមានអារម្មណ៍លេងសើច។ សាកល្បងសម្លឹងកែវភ្នែករបស់នរណាម្នាក់ ក្នុងរយៈពេល ៣ វិនាទី រួចវាសទៅមើលទីដទៃ ប្រមាណជា ២-៣ ដង ជឿចុះថា នាងជានារីក្នុងក្តីស្រមៃរបស់គេ ហើយគេគឺជាអ្នកដើរចូលមករកអ្នកដោយខ្លួនឯង។
៣- ចូលទៅរាក់ទាក់គេក្នុងលក្ខណៈទន់ភ្លន់
ទោះបីថា ស្ត្រីកំណាញ់ខ្លួនជ្រុលពេកធ្វើឱ្យបុរសមិនសូវចូលចិត្តក្តី តែក៏មិនប្រាកដថា ស្ត្រីដែលបើកចំហអស់ពេកធ្វើឱ្យបុរសគេពេញហឫទ័យនោះដែរ។ ដូច្នេះ ស្ត្រីគួរយល់ពីវិធីសាស្ត្រវាយលុកខ្លះ ដែលវាយលុកដោយទន់ភ្លន់ ដើម្បីឱ្យមានអារម្មណ៍ថា អ្នកជាភាគីបើកឆាកមុន។ វិធីនេះ មិនធ្វើឱ្យនាងមើលឃើញថា នាងទន់ជ្រាយពេក តែផ្ទុយទៅវិញអាចធ្វើឱ្យនាងក្លាយជានារីម្នាក់គួរឱ្យសេពគប់លើសដើម។
៤- ផ្ទុះសំណើចបង្កបរិយាកាសរីករាយ
អ្នកមិនបាច់ធ្វើឫកអៀនប្រៀនរហូតដល់មិនហ៊ានហើបមាត់នោះទេ ព្រោះបុរសចូលចិត្តនៅជាមួយស្ត្រីណា ដែលមានអារម្មណ៍ស្រស់ស្រាយ។ បើទោះពេលខ្លះការលេងសើចជ្រុលបន្តិចក្តី តែនាងអាចប្រើភាពកំប្លុកកំប្លែងលុបបំបាត់ ដើម្បីកុំឱ្យគេមានអារម្មណ៍អាម៉ាស់មុខខ្លាំងពេកថា សូម្បីតែការជ្រុលជ្រុសរបស់គេ ក៏អាចធ្វើឱ្យនាងផ្ទុះសំណើចបានដែរ។
៥-ចូលឱ្យបានកៀកខ្លះ
ការបណ្តើរគ្នា ដើរលេង ដែលជាក់ស្តែងពេលខ្លះ នាង និង គេអាចនៅឃ្លាតឆ្ងាយពីគ្នា ព្រោះកន្លែងខ្លះ កៅអីមិនអាចលើកមកជិតគ្នាបានទេ។ ស្ថានភាពបែបនេះ នាងអាចធ្វើជាភាគីទន់ទោរខ្លួនទៅរកគេខ្លះ ដើម្បីឱ្យគេមានអារម្មណ៍គម្លាតរវាងគេ និង នាង បានខិតកៀកចូលគ្នាជាងមុន ក្នុងនោះគួរមានការប៉ះពាល់ដៃគ្នាថើរៗផងដែរ។ កាយវិការប៉ុណ្ណឹងក៏អាចជួយឱ្យគេកើតមានអារម្មណ៍ស្រើបស្រាលជាមួយនឹងភាពសិចស៊ីរបស់នាងភ្លាមមួយរំពេច។
៦- ប្រើទឹកដមសូរសៀង
នាងមិនចាំបាច់ដំឡើងសំឡេងខ្លាំងរហូតដូចក្របួចហៅនរណាម្នាក់នោះទេ ព្រោះត្រឹមតែចេះលើកដាក់សំឡេងឱ្យមានទាបខ្ពស់ក៏អាចអង្រួនបេះដូងបុរសឱ្យខ្ទេចខ្ទាំបានដែរ ព្រោះថា នៅពេលបុរសស្តាប់ឮសំឡេងខ្សាវៗស្អកៗគេនឹងនឹកដល់ពេលមានសិច ធ្វើឱ្យអារម្មណ៍ស្រើបស្រាលជាមួយនឹងភាពសិចស៊ីរបស់នាងដែរ។
៧- ពេលខ្លះ ចេះធ្វើខ្លួនជាដំរីជើងមុខ
គួរចេះធ្វើខ្លួនឈានទៅមុនគេខ្លះ កុំរវល់តែឈ្ងោកមុខដើរត្រុកៗ តាមពីក្រោយគេគ្រប់ពេលវេលាពេក ព្រោះការងើបមុខពើងទ្រូងដើរនាំមុខគេបែបនេះ ធ្វើឱ្យនាងក្លាយជាមនុស្សម្នាក់ពោរពេញដោយទំនុកចិត្ត ហើយលើសពីនេះទៅទៀត ក៏ជាការបង្អួតរាងដ៏ស្រស់ស្អាត ឱ្យបុរសៗដែរដើរតាមពីក្រោយលួចគយគន់ពីភាពសិចស៊ី ដើរគ្រវីត្រគាកតិចៗគួបផ្សំនឹងការបង្ហាញកំភួនជើងស្រឡូនម៉ដ្ឋខៃទៀតនេះ បុរសណាអាចណាពអាចមិនលួចសរសើរនៅក្នុងចិត្ត។
៨-ចេះប្រើកាយវិការបបោសអង្អែលខ្លួនឯងខ្លះ
កាយវិការបបោសអង្អែលខ្លួនឯងនេះ វាជាមេដែកជួយឆក់កែវភ្នែកបុរសៗបានយ៉ាងងាយ។ អាចសាកគិតខ្លួនឯងមើល៍ថា រាងកាយខ្លួនឯងកន្លែងណាដែលសិចស៊ីជាងគេ ក្នុងនោះអាចះអង្អែលពីគល់កទៅរកថ្ពល់ ឬអង្អែលពីថ្ពាល់ចុះមករកដើមទ្រូង តែក៏មិនចាំបាច់ត្រដុសញឹកញាប់ពេកនោះដែរ។ ប៉ុន្តែបើអៀនពេក អាចធ្វើត្រឹមរមូរសក់ប្រមៀលៗក្បែរថ្ពាល់ ឬដើមទ្រូងក៏បាន៕
អត្រាប្តូរប្រាក់រៀលក្នុងប្រទេសកម្ពុជាប្រចាំថ្ងៃ
