សូមប្រយ័ត្ន ជួយស៊ែរចែកគ្នាដឹងផង! មនុស្ស៥ប្រភេទនេះ ហាមបរិភោគផ្លែល្ហុង! ព្រោះវាអាចធ្វើឲ្យយើង…

ល្ហុងត្រូវបានគេទទួលស្គាល់ថា ជាផ្លែឈើដ៏ឆ្ងាញ់ពិសា ហើយមានអត្ថប្រយោជន៍ខ្លាំងណាស់សម្រាប់សុខភាពទូទៅ។ ល្ហុងទម្ងន់ ១០០ក្រាម មានផ្ទុក៤៣កាឡូរី ជាតិហ...

ល្ហុងត្រូវបានគេទទួលស្គាល់ថា ជាផ្លែឈើដ៏ឆ្ងាញ់ពិសា ហើយមានអត្ថប្រយោជន៍ខ្លាំងណាស់សម្រាប់សុខភាពទូទៅ។ ល្ហុងទម្ងន់ ១០០ក្រាម មានផ្ទុក៤៣កាឡូរី ជាតិហ្វូលិក១០ភាគរយ និងវីតាមីនC ៧៥ភាគរយ ដែលរាងកាយត្រូវការប្រចាំថ្ងៃ។

នៅក្នុងផ្លែល្ហុងមានផ្ទុកសារធាតុប្រឆាំងអុកស៊ីតកម្ម និងសារធាតុចិញ្ចឹមជាច្រើនទៀត ដែលរាងកាយត្រូវការជាចាំបាច់។ ក៏ប៉ុន្តែ បើយោងតាមគេហទំព័រ Boldsky បានចុះផ្សាយថា មនុស្សដែលកំពុងតែមានបញ្ហាមួយចំនួនដូចខាងក្រោមនេះ មិន​គួរ​ទទួល​ទាន​ល្ហុងនោះទេ។

១.ស្ត្រីមានផ្ទៃពោះ
ប្រសិនបើស្ត្រីមានផ្ទៃពោះទទួលទានល្ហុង ជាពិសេសល្ហុងឆៅ ច្រើនហួសហេតុពេកអាចបង្កឲ្យមានបញ្ហាមិនប្រក្រតី និងរលូតកូន។ ព្រោះល្ហុងឆៅសម្បូរទៅដោយជ័រដែលធ្វើឲ្យប៉ះពាល់ដល់ស្បូន ដូច្នេះហើយ​អ្នកគួរ​តែជៀសវាង​ទទួលទាន​ល្ហុងច្រើនពេក​ក្នុង​ដំណាក់កាល​នេះ។

២.អ្នកមានបញ្ហាផ្លូវដង្ហើម
ផ្លែល្ហុងមានផ្ទុកអង់ហ្ស៊ីមម្យ៉ាងមានឈ្មោះថា (Papain) អង់ហ្ស៊ីមនេះហើយដែលជាដើមហេតុ ធ្វើឲ្យជំងឺផ្លូវដង្ហើម​មានអាការ​កាន់តែធ្ងន់ធ្ងរ​ទៅៗ។ ដូច្នេះហើយ ទើបអ្នកជំនាញបានណែនាំ​ឲ្យអ្នកជំងឺហឺត​នៅឲ្យឆ្ងាយពីផ្លែឈើ​មួយប្រភេទនេះ។

៣.អ្នកជំងឺក្រួសតម្រងនោម
ផ្លែល្ហុងសម្បូរទៅដោយវីតាមីនC ដែលដើរតួនាទី​យ៉ាងសំខាន់​ក្នុងការរក្សា​ប្រព័ន្ធភាពស៊ាំ​ក្នុងរាងកាយ។ ទោះជាយ៉ាងណា​ការទទួល​យកវីតាមីន​ប្រភេទនេះ​ពីផ្លែល្ហុង​ច្រើនពេក អាចបណ្តោយឲ្យ​កើតជំងឺក្រួស​ក្នុងតម្រងនោម។ ប៉ុន្តែសម្រាប់​អ្នកកើតជំងឺ​ក្រួសតម្រង​រួចទៅហើយ ច្បាស់ជា​មានបញ្ហាកាន់តែធ្ងន់ៗឡើងៗ។

៤.អ្នកកំពុងតែប្រឈមនឹងបញ្ហាគ្មានកូន
ការទទួលទានផ្លែល្ហុងច្រើនហួសហេតុពេក អាចមានផលវិបាកខ្លាំងបំផុតដល់ប្រព័ន្ធបន្តពូជបុរស ព្រោះវាអាចធ្វើឲ្យ​មេជីវិតឈ្មោល​ថយចុះ។ ជាពិសេស ចំពោះអ្នកដែលជួបនឹង​បញ្ហាគ្មាន​កូនស្រាប់ គួរតែផ្អាកសិនទៅ។

៥.អ្នកដែលមានជាតិស្ករក្នុងឈាមទាប
ផ្លែល្ហុងមានផ្ទុកសារធាតុម្យ៉ាងដែលគេហៅថា fermented សារធាតុនេះហើយដែល​អាចកាត់បន្ថយកម្រិតជាតិស្ករនៅក្នុងឈាម។ ហេតុនេះ អ្នកមិនត្រូវទទួលទាន​ល្ហុងច្រើនពេក​នោះទេ ជាពិសេសអ្នកដែលមានជាតិស្ករក្នុង​ឈាមកម្រិតទាប៕