ភ្នំពេញ ៖ នៅក្នុងពិភពសិល្បៈខ្មែរសព្វថ្ងៃ មានតារាសិល្បៈមិនតិចនាក់ទេ ដែលបានឆ្លងកាត់ក៏ដូចជាគ្រោងនឹងកែសម្រស់តាមរយៈការវះកាត់ ដើម្បីកែលំអរចំណុ...
ភ្នំពេញ ៖ នៅក្នុងពិភពសិល្បៈខ្មែរសព្វថ្ងៃ មានតារាសិល្បៈមិនតិចនាក់ទេ ដែលបានឆ្លងកាត់ក៏ដូចជាគ្រោងនឹងកែសម្រស់តាមរយៈការវះកាត់ ដើម្បីកែលំអរចំណុចខ្វះខាត និងទៅតាមក្តីប្រាថ្នា ព្រមទាំងតម្រូវការ។
ផ្ទុយពីតារាមួយចំនួនខាងលើតារាម៉ូដែលដ៏លេចធ្លោមួយរូប គឺកញ្ញា ស៊ុន យ៉ានិច្ច បែរជាមិនចាប់អារម្មណ៍នឹងការកែសម្រស់តាមបែបបច្ចេកវិទ្យាដោយការវះកាត់នោះឡើយ ដោយខណៈជួបផ្ទាល់ជាមួយ Pop7days តារារាងស្រឡូន ដែលតែងតែអង្រួនបេះដូងប្រុសៗ រាល់ពេលដែលនាងបង្ហាញវត្តមានក្នុងកម្មវិធីដើរម៉ូដរូបនេះ បានឆ្លើយដោយមិនបង្អង់ថា ច៎ា បង! ខ្ញុំពុំធ្លាប់ដែលបានសម្រស់ដោយការវះកាត់នោះទេ ហើយក៏គ្មានបំណងនឹងកែនាពេលខាងមុខនោះដែរ ខ្ញុំគិតថា សម្រស់ពីធម្មជាតិរបស់ខ្ញុំប៉ុណ្ណឹងវាគ្រប់គ្រាន់ហើយ ដោយសព្វថ្ងៃខ្ញុំគ្រាន់តែថែរក្សាស្បែក និងប្រើផលិតថែរក្សាសម្រស់មួយចំនួនតែប៉ុណ្ណោះ។
ដោយស្ថិតក្នុងចំណោមតារាម៉ូដែលលេចធ្លោលំដាប់ជួរមុខ ដែលធ្វើឱ្យ កញ្ញា ស៊ុន យ៉ានិច មានភាពមមាញឹកយ៉ាងខ្លាំងជាមួយនឹងការដើរម៉ូដក្នុងកម្មវិធីរបស់ក្រុមហ៊ុនធំៗ ទាំងនៅតាមបណ្តាខេត្ត ក៏ដូចជារាជធានីភ្នំពេញ។ ដោយមិនអាចបែងចែកពេលវេលាពីការងារបង្ហាញម៉ូដដ៏មមាញឹកយ៉ាងដូច្នេះ ជាហេតុដែលញ៉ាំងឱ្យតារាម៉ូដែលទ្រេមុខ៣បែប(កូរ៉េ-ថៃ-ខ្មែរ)រូបនេះ មិនហ៊ានទទួលថតខ្សែភាពច្រើន និងត្រូវបង្ខំចិត្តបដិសេធជាមួយបណ្តាផលិតកម្ម ព្រោះនាងមិនពេលគ្រប់គ្រាន់សម្រាប់ថតឱ្យពួកគាត់ ដោយនាងបានបង្ហាញវត្តមាននៅក្នុងខ្សែភាពយន្ត តែពីរបីរឿងប៉ុណ្ណោះ និងនៅក្នុងបទចម្រៀងមួយចំនួណនៅក្នុងផលិតកម្មធំៗ ដូចជាផលិតកម្មថោមជាដើម។ ដោយឡែករំដួលខេត្តពោធិសាត់រូបនេះ លេចមុខក្នុងស្ពតពាណិជ្ជកម្មរបស់ក្រុមហ៊ុនធំៗ ដូចជា ក្រុមហ៊ុនទូរស័ព្ទ Smart ស្ពតផ្សារ Aeon Mall ស្ពតស្រាសាច់ដុំ ស្ពតបុរី អ័រគីដេ វីឡា -ល-៕ POP7DAYS
អត្រាប្តូរប្រាក់រៀលក្នុងប្រទេសកម្ពុជាប្រចាំថ្ងៃ
